నరసరావుపేట ఎంపీ లావుకి తృటిలో తప్పిన పెను ప్రమాదం

నరసరావుపేట ఎంపీ లావుకి తృటిలో తప్పిన పెను ప్రమాదం

అక్షర ఉదయమ్ – వినుకొండ

పల్నాడు జిల్లా వినుకొండలో సోమవారం నూతనంగా ఏర్పాటు చేసిన సురేష్ సూపర్ స్పెషాలిటీ ఆసుపత్రి సందర్శనకి ఎంపీ లావు శ్రీకృష్ణ దేవరాయలు వెళ్ళారు.

ఈ సందర్భంగా రెండవ అంతస్థుకి వెళ్లేందుకు ఎంపీతో పాటుగా పలువురు ప్రముఖులు లిఫ్ట్ ఎక్కారు.

రెండవ అంతస్తుకి వెళ్ళాక ఒక్కసారిగా లిఫ్ట్ వైర్ తెగి గ్రౌండ్ ఫ్లోర్లో పడింది.

రెండవ అంతస్తు నుండి లిఫ్ట్ కుప్ప కూలడటంతో ఎంపీతో పాటు లిఫ్టులో ఉన్న పలువురు వ్యక్తుల గురించి ఎంపీ భద్రతా సిబ్బంది కొంత సేపు తీవ్ర ఆందోళన చెందారు .

గ్రౌండ్ ఫ్లోర్లో పడ్డ వారిని బల్ల వేసి ఆసుపత్రి సిబ్బంది బయటకు తెచ్చారు.

ప్రమాదం నుంచి అందరూ క్షేమంగా బయట పడటంతో అందరూ ఊపిరి పీల్చుకున్నారు.