సైబర్ నేరాలపై విద్యార్థులు, ఉపాధ్యాయులకు అవగాహన కల్పించిన పోలీసులు
అక్షర ఉదయమ్ – గుంటూరు
దేశవ్యాప్తంగా వేగంగా పెరుగుతున్న సైబర్ నేరాల ముప్పును తగ్గించడం మరియు ప్రజల్లో సైబర్ భద్రతపై చైతన్యం పెంపొందించడం కోసం కేంద్ర హోం వ్యవహారాల మంత్రిత్వ శాఖ (MHA) ఆధ్వర్యంలో ఇండియన్ సైబర్ క్రైమ్ కోఆర్డినేషన్ సెంటర్ (I4C) పలు అవగాహన కార్యక్రమాలను అమలు చేస్తోంది.
అక్టోబర్ నెలను జాతీయ సైబర్ భద్రతా అవగాహన మాసం (National Cyber Security Awareness Month) గా ప్రకటించి, దేశవ్యాప్తంగా పోలీసు శాఖలు, విద్యాసంస్థలు, ప్రభుత్వ సంస్థలు ప్రజల్లో సైబర్ భద్రతపై అవగాహన పెంచే కార్యక్రమాలు నిర్వహిస్తున్నాయి.
విద్యార్థులు మరియు ఉపాధ్యాయులకు అవగాహన కార్యక్రమం
ఈ నేపథ్యంలో గుంటూరు జిల్లా ఎస్పీ శ్రీ వకుల్ జిందాల్ ఐపీఎస్ గారి ఆదేశాల మేరకు, కొత్తపేట పోలీస్ స్టేషన్ పరిధిలోని AC కళాశాలలో ఈ రోజు (22.10.2025) సైబర్ నేరాలపై అవగాహన కార్యక్రమంను పోలీసులు నిర్వహించారు.
ఈ కార్యక్రమంలో విద్యార్థులకు సైబర్ నేరాల వలన కలిగే ముప్పు, మోసాలను గుర్తించే విధానం, సురక్షిత డిజిటల్ పద్ధతులు పాటించే ప్రాముఖ్యత గురించి వివరణాత్మకంగా తెలియజేశారు.
పోలీస్ అధికారులు సూచించిన ముఖ్య సూచనలు
సామాజిక మాధ్యమాల్లో తెలియని లింకులు, సందేశాలు లేదా ఫ్రెండ్ రిక్వెస్టులను ఓపెన్ చేయవద్దు.
బ్యాంక్ వివరాలు, పాస్వర్డ్లు, OTPలు వంటి వ్యక్తిగత సమాచారాన్ని ఎవరితోనూ పంచుకోవద్దు.
ఎవరైనా సైబర్ మోసానికి గురైతే వెంటనే 1930 నంబర్కి కాల్ చేయండి లేదా
www.cybercrime.gov.in వెబ్సైట్ ద్వారా ఫిర్యాదు చేయండి.
సైబర్ భద్రత – సమాజ బాధ్యత. ఈ అవగాహన కార్యక్రమం ద్వారా గుంటూరు జిల్లా పోలీసులు ప్రజల్లో సైబర్ మోసాలపై జాగ్రత్తలు, సురక్షితమైన డిజిటల్ వాతావరణం సృష్టించడం, మరియు సైబర్ నేరాల నివారణలో ప్రతి పౌరుడు బాధ్యతగా వ్యవహరించాలనే సందేశాన్ని అందించారు.
గుంటూరు జిల్లా పోలీసు శాఖ ప్రజల భద్రత కోసం సాంకేతిక రంగంలో అవగాహన పెంచే ఇలాంటి కార్యక్రమాలను నిరంతరంగా నిర్వహించనున్నట్లు పోలీస్ అధికారులు తెలిపారు.
ఈ కార్యక్రమంలో ఐటీ సీఐ శ్రీ నిస్సార్ భాషా గారు, కొత్తపేట సీఐ శ్రీ వీరయ్య చౌదరి గారు, ఎస్సై శ్రీ రమేష్ గారు, ఐటీ కోర్ హెడ్ కానిస్టేబుల్ రాజకిషోర్ గారు, ఇతర
పోలీసు సిబ్బంది, కళాశాల అధ్యాపకులు మరియు విద్యార్థులు పాల్గొన్నారు.
Stay Updated with Every Breaking News
– Download Akshara Udayam App Now!
ఇప్పుడే డౌన్లోడ్ చేయండి –
PlayStore https://play.google.com/store/apps/details?id=com.akshara.newsapp లో అందుబాటులో ఉంది.
“అక్షర ఉదయమ్ – తెలుగోడి గళం — అవినీతి పై సమరం”, ప్రజల గొంతు, ప్రజల న్యూస్..
ఈ-పేపర్ కోసం www.epaper.aksharaudayam.in నీ సందర్శించండి.